നന്ദനം [വരകളും വര്‍ണ്ണങ്ങളും] ...lakshmy

ചിന്നക്കുട്ടുറുവൻ [In crayon]

2009-11-09T20:15:00.004Z

ജുനൈദിന്റെ ചിന്നക്കുട്ടുറുവനെ ക്രയോണിൽ [അതിന്റെ പരിമിതികളിൽ നിന്നു കൊണ്ട്]ചെയ്തത്
നന്ദി ജുനൈദ്. പിന്നെ അനുവാദമില്ലാതെ ഈ ചിത്രമെടുത്തതിനും ക്രയോണിൽ ഈവിധം ആക്കിത്തീർത്തതിനും ക്ഷമ ചോദിക്കുന്നു

വരുവാനുണ്ടാരോ...[water colour painting]

2009-07-19T23:32:00.001+01:00

ഛായാചിത്രം [in water colour]

2009-05-24T20:39:00.003+01:00

കുറച്ചു കാലം മുൻപ് ചെയ്ത ഒരു സാഹസം. അൽ‌പ്പം ദ്രവിച്ച ഈ പെയിന്റിങ്ങിന്റെ ഫോട്ടോ, എം.എസ് പെയിന്റ് ഉപയോഗിച്ച് ചിത്രത്തിലെ തന്നെ ചില ഭാഗങ്ങൾ കോപ്പി പേസ്റ്റ് ചെയ്ത് ദ്രവിച്ച ഭാഗങ്ങൾ കറക്റ്റ് ചെയ്തത്. അതിന്റെ കുഴപ്പം ചിത്രത്തിനുണ്ട്. ക്ഷമിക്കുക

അപ്പുവിന്റെ വീട് [In MS Paint]

2009-05-06T14:05:00.002+01:00

Dancing Angel [ജലച്ചായം]

2009-04-16T21:07:00.002+01:00

യാരിത്?

2009-04-02T17:54:00.004+01:00

ഇത് ആര് [ആരെല്ലാം] എന്നു മാത്രമേ ഉദ്ദേശിച്ചുള്ളൂ

[ഒരു വൈകുന്നേരത്തെ നേരം പോക്ക്]

കിളിമരച്ചില്ല [painting in water colour]

2009-03-26T16:06:00.001Z

പൂക്കളും പഴങ്ങളും [in acrylic]

2009-02-01T17:39:00.003Z

Kissing angels [In water colour]

2009-01-04T02:27:00.003Z

2003ൽ വാട്ടർ കളറിൽ ചെയ്ത പെയിന്റിങ്

പക്ഷിശാസ്ത്രം...പക്ഷിശാസ്ത്രം...........

2008-11-01T15:34:00.004Z

[ക്ഷമിക്കണം. പക്ഷിയുടെ ശാസ്ത്രീയമായ പേർ (അറിയില്ല) എന്നാണ് ഉദ്ദേശിച്ചത്.]

ഈയിടെ ഞങ്ങളുടെ വീട്ടുവളപ്പ് ഇടക്കിടെ സന്ദർശിക്കാറുള്ള ഈ പക്ഷിയെ കഴിഞ്ഞ വർഷത്തെ അവധിക്കു നാട്ടിൽ പോയപ്പോഴാണ് ഞാൻ ആദ്യമായി കാണുന്നത്. ഇതിന്റെ പേര് ‘നാകമോഹിൻ’ എന്നാണെന്നാണ് എന്റെ ഇളയ ബ്രെദർ പറഞ്ഞത്. ഈ ഫോട്ടോസ് എടുത്തതും അവൻ തന്നെ. ഞാനിതിനെ കുറിച്ച് നെറ്റിൽ ഒരന്വേഷണം നടത്തി. ഒരു വിവരവും കിട്ടിയില്ല. ആരെങ്കിലും കണ്ടിട്ടുണ്ടോ ഈ പക്ഷിയെ?

അമ്പട ഞാനേ....[oil painting]

2008-10-29T10:34:00.002Z

“ആരവിടെ....”

അതുല്യപ്രതിഭ

2008-10-17T12:18:00.002+01:00

ഞാൻ ഇന്നു മാത്രം പരിചയപ്പെട്ട, അധികമാരാലും നോട്ട് ചെയ്യപ്പെടാതെ പോയ ഒരു അതുല്യപ്രതിഭയെ പരിചയപ്പെടുത്തണമെന്നു തോന്നി. ബ്ലോഗ് ലിങ്ക് താഴെ

http://iamnishad.blogspot.com/

ഈ കൊച്ചനിയന് എന്റെ മനം നിറഞ്ഞ നമോവാകം

കൊച്ചിയിലെ ഒരു സായന്തനക്കാഴ്ച [in water colour]

2008-10-11T16:29:00.005+01:00

സായന്തനം

landscape [in oil]

2008-06-30T13:05:00.002+01:00

നിശ്ശബ്ദതയിലെ ചിറകടികള്‍

നൊമാദിന്റെ ആവശ്യപ്രകാരം ഒരു ലാന്റ്സ്കേപ് പോസ്റ്റ് ചെയ്യുന്നു. സന്ദീപ് പി.എം ന്റെ നിര്‍ദ്ദേശപ്രകാരം ഒരു കാപ്ഷനും [കാപ്ഷനു കടപ്പാട്, ഇതേ പെയിന്റിങ് മറ്റൊരു സൈറ്റില്‍ പോസ്റ്റ് ചെയ്തപ്പോള്‍ അവിടെ മറുപടിയിട്ട ഒരു മാന്യ സുഹൃത്തിനോട്]

clarification

2008-06-05T12:36:00.004+01:00

[ഇതിനു മുന്‍പത്തെ പോസ്റ്റില്‍ നന്ദന്‍ കമന്റിലൂടെ ചോദിച്ച ചോദ്യത്തിനുള്ള മറുപടി]

നന്ദന്

നന്ദന്റെ സംശയത്തിന് സംസാരിക്കുന്ന തെളിവുകള്‍ തരാമെന്നോര്‍ത്താണ് ഇങ്ങിനെയൊരു പോസ്റ്റ്. കുറെ കാര്യങ്ങളില്‍ ഒരാള്‍ തന്നെ കയ്യിട്ടു വാരുമ്പോള്‍ സ്വാഭാവികമായി ആര്‍ക്കും തോന്നാവുന്ന ഒരു സംശയം നന്ദന്‍ ചോദിച്ചു. നന്ദി. എനിക്കിങ്ങിനെ ഒരു ക്ലാരിഫികേഷന്‍ ചേര്‍ക്കാമല്ലൊ

ഞാന്‍ പോസ്റ്റ് ചെയ്തു കഴിഞ്ഞവയും ഇനി പോസ്റ്റ് ചെയ്യാന്‍ സാധ്യത ഇല്ലാത്തവയുമായ ചിത്രങ്ങള്‍ ആണ് ഇവിടെ ചേര്‍ക്കുന്നത് [സൈരന്ധ്രിയുടെ ആ ചിത്രം ഒഴികെ. അത് കേടു പറ്റുന്നതിനു മുന്‍പ് എന്റെ ബ്രെദര്‍ എനിക്ക് അതിന്റെ ഫോട്ടോ അയച്ചു തന്നിരുന്നു] ചിതലുകള്‍ ബാക്കി വച്ച ചിത്രങ്ങളാണ് ആദ്യ പിക്ചറില്‍. അതു കൊണ്ടിനി ഉപകാരമൊന്നുമില്ലെങ്കിലും കളഞ്ഞിട്ടു പോരാന്‍ തോന്നിയില്ല. അതില്‍ ആദ്യ രണ്ടും വാട്ടര്‍ കളറില്‍ ആണ്. പിന്നത്തേത് ഓയിലില്‍ ആയതു കൊണ്ട് മാത്രം ചിതല്‍ വെറുതെ വിട്ടു. പക്ഷെ അതാകെ അഴുക്കു പിടിച്ചു പോയി. അതില്‍ പിന്നെ ഇതു വരെ ഞാന്‍ കറക്ഷന്‍സ് ചെയ്തുമില്ല.

രണ്ടാമത്തെ ചിത്രത്തിലെ എന്റെ രാധയേയും കൃഷ്ണനേയും കണ്ടല്ലൊ. അവയും ചിതല്‍ തൊട്ടില്ല. രണ്ടാമത്തെ ഫോട്ടോയില്‍ കാണുന്ന മില്‍ക് മെയ്ഡിന്റെ ചിത്രം ഇവിടെ വന്നതിനു ശേഷം ചെയ്തതാണ് [ഒരിക്കലും പോസ്റ്റ് ചെയ്യാന്‍ ഉദ്ദേശിക്കുന്നില്ല] അത് ഓയിലില്‍ ആണ്. ഞാന്‍ മുന്‍പൊരു കമന്റില്‍ പറഞ്ഞ പോലെ ഇവിടെ ഓയില്‍ പെയിന്റ് ഏക്രിലികിനെക്കാള്‍ വേഗത്തില്‍ ഡ്രൈ ആകുന്നു. അതിനാല്‍ തന്നെ ആ പെയിന്റിങ്ങും മൂന്നാമത്തെ ഫോട്ടോയില്‍ കാണുന്ന താലമേന്തിയ ഗുജറാത്തി പെണ്ണിന്റെ പെയിന്റിങ്ങും ഒന്നും എനിക്ക് ഒരു തൃപ്തിയും തന്നില്ല. അവയും ഒരിക്കലും പോസ്റ്റാന്‍ ഉദ്ദേശിച്ചില്ല.

നാലാമത്തെ ഫോട്ടോ ഞാനിപ്പോള്‍ ചെയ്തു കൊണ്ടിരിക്കുന്ന ഒരു പെയിന്റിങ്ങിന്റേതാണ്. അതിന്റെ കൂടെ വച്ചിരിക്കുന്ന ചെറിയ പിക്ചര്‍ നോക്കി ചെയ്യുന്നു. അതും ഓയിലില്‍ ആണ്. ഇനി നന്ദുവിന്റെ സംശയങ്ങള്‍ക്ക് ഉത്തരം തരാം

ഞാന്‍ മുന്‍പൊരു കമന്റില്‍ പറഞ്ഞിരുന്നു,ചെറുപ്പം മുതല്‍ ശിക്ഷണമൊന്നുമില്ലാതെ എനിക്കു തോന്നുന്ന തരത്തിലാണ് ഞാന്‍ പെയിന്റിങ് ചെയ്തു കൊണ്ടിരുന്നത്. പറവൂര്‍ ചിത്രസദനം സ്കൂള്‍ ഓഫ് ആര്‍ട്സില്‍ സദാശിവന്‍ സാറിന്റെ കീഴില്‍ ഏതാനും മാസത്തെ ശിക്ഷണമാണ് എനിക്കാകെ ഇതില്‍ കിട്ടിയിരിക്കുന്നത്. ആദ്യം സാറിന്റെ അടുത്തു ചെന്നപ്പോള്‍ ഞാന്‍ ചെയ്ത ചിത്രങ്ങള്‍ കാണണമെന്നാണ് സര്‍ ആദ്യം ആവ്ശ്യപ്പെട്ടത്. ഞാന്‍ ചെയ്തു വച്ചിരുന്ന ഒരു പോര്‍ട്രെയിറ്റിന്റെ സ്കെറ്റ്ചിനെ രണ്ടാമത് സര്‍ പറഞ്ഞ രീതിയില്‍ സ്കെറ്റ്ച് ഇടീച്ച് അതാണ് എന്നെ കൊണ്ട് സര്‍ ആദ്യം ചെയ്യിച്ച ചിത്രം. ഞാന്‍ ചെയ്യുന്ന മുറക്ക് വേണ്ട തിരുത്തലുകള്‍ പറഞ്ഞു തരുകയും കളര്‍ കോംബിനേഷന്‍സ് പറഞ്ഞു തരുകയുമൊക്കെയാണ് സര്‍ ചെയ്തത്. ഓരോ പിക്ചറിനും എന്റെ ഇഷ്ടത്തിനനുസരിച്ചു ചെയ്യാനുള്ള സ്വാതന്ത്ര്യം സര്‍ തന്നിരുന്നു. നന്ദന്‍ ചോദിച്ച പോലെ വാട്ടര്‍ കളര്‍ ചിത്രങ്ങളിലെ വൈറ്റ് കളറിന് പേപ്പറിന്റെ വൈറ്റ് തന്നെ ഉപയോഗിക്കാമെന്നതും പ്രൈമറി കളേഴ്സ് മിക്സ് ചെയ്താണ് കറുപ്പിന് ഉപയോഗിക്കേണ്ടതെന്നും മറ്റുമുള്ള കളര്‍ കോംബിനേഷന്‍സിന്റെ ചില ബാലപാഠങ്ങള്‍ ഞാന്‍ പഠിച്ചത് സറില്‍ നിന്നുമാണ്. അതു വരെ കറുപ്പിനു കറുപ്പു പെയിന്റും വൈറ്റിന് വൈറ്റു പെയിന്റും ആണ് ഞാന്‍ ഉപയോഗിച്ചിരുന്നത്. പക്ഷെ അതറിഞ്ഞതിനു ശേഷവും വൈറ്റിനായി വൈറ്റ് പെയിന്റ് ഞാന്‍ ഉപയോഗിച്ചിട്ടുണ്ട്, ചിത്രത്തിന് ആവശ്യമായി വന്നാല്‍. മിക്കപ്പോഴും ചെയ്യുന്ന കളറുകള്‍ വൈറ്റ് വേണ്ട ഏരിയായിലേക്ക് ബൈ മിസ്റ്റേക് പടരുകയോ മറ്റോ ചെയ്താലാണ് ഞാന്‍ ഇങ്ങിനെ ചെയ്യാറ്. പക്ഷെ അതെനിക്ക് മിക്കപ്പോഴും വേണ്ടി വരാറുമുണ്ട്. വൈറ്റ് കളറിന് പേപ്പറിന്റെ വൈറ്റ് ഉപയോഗിക്കാമെന്നുള്ളത് ഓയില്‍ പെയിന്റിനും ബാധകമാണ്. ഞാന്‍ കൊടുത്തിരിക്കുന്ന അവസാനത്തെ ഫോട്ടൊ ഓയിലില്‍ ആണ് ചെയ്യുന്നത്. വൈറ്റ് ഏരിയ ബ്ലാങ്ക് ആക്കി ഇട്ടിരിക്കുകയാണ് പക്ഷെ എനിക്കുറപ്പില്ല, ഞാന്‍ അതിന് പേപ്പര്‍ വൈറ്റ് മാത്രമേ ഉപയോഗിക്കുകയുള്ളൊ എന്ന്. അതിന് ശ്രമിക്കും. പറ്റിയില്ലേല്‍ സ്ഥാപിത രീതികളെ അട്ടിമറിക്കും [ചുമ്മാ:)]

പിന്നെ ചോദിച്ചത് സൈസിന്റെ കാര്യമല്ലെ? ഒന്നാമത്തെ ചിത്രത്തില്‍ ശ്രീരാമന്റെ പടം വച്ചിരിക്കുന്നത് ഒരു 16 ആന്റ് 12 ഇഞ്ച് സൈസ് പാഡിന്റെ മുകളിലാണ്. ഇപ്പൊ മറ്റുള്ളവയുടെ സൈസും മനസ്സിലായി കാണുമല്ലൊ. ഞാന്‍ വാട്ടര്‍ കളറിന് വാട്ടര്‍ കളര്‍ പാഡും ഓയില്‍ പെയിന്റിന് ഓയില്‍ സ്കെറ്റ്ചിങ് പാഡും മാത്രമേ ഉപയോഗിച്ചിട്ടുള്ളു. കാന്‍‌വാസില്‍ ഒരിക്കലും ചെയ്തിട്ടില്ല. മറ്റൊന്നുകൊണ്ടുമല്ല. കാന്‍‌വാസില്‍ ചെയ്ത് കാശു ചുമ്മാ കളയണ്ടാന്നോര്‍ത്താ. അതിനും മാത്രം മഹത്തരമായി ഞാനൊന്നും ചെയ്യുന്നില്ല എന്നതിനേക്കാളുപരി എന്റെ എല്ലാ കലാവാസനകള്‍ക്കും [ഞാനൊരു ക്ലാസികല്‍ ഡാന്‍സര്‍ ആണ്, അതിനു വേണ്ടിയും കുറെ കാശ് പൊടിച്ചിട്ടുണ്ട്] എന്നും സപ്പോര്‍ട്ടായിരിക്കുന്ന വീട്ടുകാരെ മുടിപ്പിക്കാന്‍ അന്നു മനസ്സു വന്നില്ല. അതു കൊണ്ടാണ് എന്റെ ചിത്രങ്ങള്‍ ഒന്നു ഫ്രെയിം ചെയ്തു സൂക്ഷിക്കുക പോലും ചെയ്യാത്തിരുന്നത്. ചോദിച്ചവക്കെല്ലാം ഞാന്‍ ഉത്തരം തന്നു എന്നാണെണിക്ക് തോന്നുന്നത്. ഇനിയും നന്ദന് എന്തെങ്കിലും സംശയമുണ്ടേല്‍ ചോദിക്കാം കെട്ടോ.

painting in water colour

2008-06-02T22:55:00.002+01:00

നാട്ടില്‍ ഇട്ടിട്ടു പോന്ന പെയിന്റിങ് എല്ലാം നശിച്ചു പോയി എന്ന് ഒരു ദിവസം ഒരു സ്വപ്നം. അതിനെ കുറിച്ചു വേവലാതിപ്പെട്ടപ്പോള്‍ വൈകാതെ വന്നു, ഇളയ ബ്രെദറിന്റെ മെയില്‍, ചിത്രങ്ങളുടെ ഫോട്ടോ സഹിതം. പക്ഷെ വീട് പെയിന്റിങ്ങിനിടക്ക് ഭദ്രമായി എവിടെയോ എടുത്തു വയ്ക്കപ്പെട്ട ചിത്രങ്ങള്‍ പിന്നീട് കുറെ നാള്‍ കഴിഞ്ഞു ഞാന്‍ ലീവിനു നാട്ടില്‍ ചെല്ലുമ്പോഴേക്കും അഴുക്കു പിടിച്ചും, വട്ടര്‍ കളര്‍ ചിത്രങ്ങള്‍ ചിതലരിക്കപ്പെട്ടും പോയിരുന്നു. ഈ പോസ്റ്റ് ചെയ്ത ചിത്രം അതിനാല്‍ തന്നെ പൂര്‍ണ്ണ രൂപത്തിലുള്ളത് എന്റെ കമ്പ്യൂട്ടറില്‍ മാത്രം. ചിത്രം മെയില്‍ ചെയ്യുമ്പോള്‍ തന്നെ ദ്രവിച്ചു തുടങ്ങിയ ചില ഭാഗങ്ങള്‍ എം.എസ് പെയിന്റില്‍ ടച്ച് ചെയ്യാന്‍ ശ്രമിച്ചതിന്റെ വൃത്തിക്കേടും ചിത്രത്തില്‍ കാണാം

oil paint

2008-05-23T10:01:00.003+01:00

വര്‍ണ്ണവൃന്ദാവനം എന്നുമുണ്ടാകുമോ
ജന്മമുണരുവാന്‍..
കണ്ണനുണ്ടാകുമോ രാധയുണ്ടാകുമോ..

കുറേ കാലം മുന്‍പ് ഓയില്‍ പെയിന്റില്‍ ചെയ്തത്.